Index 
 
Rig Veda Book 9 Index  Previous  Next 

Rig Veda Book 9 Hymn 24

पर सोमासो अधन्विषुः पवमानास इन्दवः |
शरीणाना अप्सु मर्ञ्जत ||
अभि गावो अधन्विषुरापो न परवता यतीः |
पुनाना इन्द्रमाशत ||
पर पवमान धन्वसि सोमेन्द्राय पातवे |
नर्भिर्यतो वि नीयसे ||
तवं सोम नर्मादनः पवस्व चर्षणीसहे |
सस्निर्यो अनुमाद्यः ||
इन्दो यदद्रिभिः सुतः पवित्रं परिधावसि |
अरमिन्द्रस्य धाम्ने ||
पवस्व वर्त्रहन्तमोक्थेभिरनुमाद्यः |
शुचिः पावको अद्भुतः ||
शुचिः पावक उच्यते सोमः सुतस्य मध्वः |
देवावीरघशंसहा ||

pra somāso adhanviṣuḥ pavamānāsa indavaḥ |
śrīṇānā apsu mṛñjata ||
abhi ghāvo adhanviṣurāpo na pravatā yatīḥ |
punānā indramāśata ||
pra pavamāna dhanvasi somendrāya pātave |
nṛbhiryato vi nīyase ||
tvaṃ soma nṛmādanaḥ pavasva carṣaṇīsahe |
sasniryo anumādyaḥ ||
indo yadadribhiḥ sutaḥ pavitraṃ paridhāvasi |
aramindrasya dhāmne ||
pavasva vṛtrahantamokthebhiranumādyaḥ |
śuciḥ pāvako adbhutaḥ ||
śuciḥ pāvaka ucyate somaḥ sutasya madhvaḥ |
devāvīraghaśaṃsahā ||

Next: Hymn 25